Roeddwn yn sgrolio trwy Facebook bore yma, ac roedd ffrind wedi tagio un o’u ffrindiau yn garedig mewn i bost oedd yn cynnig gweithdai digidol 3 diwrnod. Yr ateb oedd “’Dwi ddim angen gwefan” – digon teg meddyliais, ond wyt ti wir wedi meddwl am hynny? Wrth gwrs mae llawer o fusnesau bach yn meddwl nad oes angen gwefan arnyn nhw ac mewn rhai achosion efallai eu bod nhw’n llygad eu lle, ond dyma’r farn o’r swyddfa: –
- Er nad oes hwyrach, “angen “gwefan arnoch, mae’n rhaid i chi fod ar-lein mewn ryw ffurf – gwnewch yn siŵr bod gennych dudalen Google+ a’ch bod ar fap Google o leiaf. Sicrhewch eich bod yn weithredol ar gyfryngau cymdeithasol a bod gan bobl ryw siawns o ddod o hyd i chi.
- Ai’r rheswm nad oes “angen” gwefan arnoch yw oherwydd byddai y gost neu’r buddsoddiad yn rhy ddrud? Un o’r rhesymau y gwnaethom ddechrau Gwe Cambrian oedd er mwyn cynnig dyluniad gwefan cost-effeithiol, sydd, mewn gwirionedd yn rhatach na phrynu hysbyseb papur newydd yn fisol.
- Ydych chi erioed wedi meddwl sut mae pobl yn dod o hyd i fusnesau y dyddiau hyn? Pa mor aml ydych chi’n gweld copi o’r ‘Yellow Pages’ ar yr aelwyd nawr? Mae pobl dyddia’ hyn yn troi yn awtomatig at Google i chwilio (neu’n gofyn ar gyfryngau cymdeithasol) er mwyn dod o hyd i’r gwasanaethau maent eu hangen, neu’n gofyn i’w ffonau / dyfeisiau cartref. Os nad oes gwefan gennych chi yno, sut mae disgwyl iddynt ddod o hyd i chi?
- Nid oes rhaid i wefannau fod yn brosiectau mawr nac yn ddrud. Gallwch gael gwefan poster un dudalen am gost is na gwefan lawn, neu gallwch hyd yn oed adeiladu eich gwefan eich hun – mae llwyth o opsiynau ar-lein ar gyfer hyn, gyda llawer ohonynt yn rhad (heblaw am yr amser rowch iddo).
- Mae’n debygol iawn bydd gan eich cystadleuaeth wefan, felly maen nhw’n cael eu darganfod gan eich darpar gwsmeriaid chi. Meddyliwch am wefan fel ffenestr siop sydd ar agor 24/7.